MOHON DIRI
Tu angka dongan panjaha na manghaseahon Sermon Jamita na hupatomutomu jala na hupublish di dunia maya marhite blog na maralamat http://batumamak.blogspot.com/, marhite on hupabotohon ndang tarbahen iba be manorushon ulaon i. Na marbonsir do i sian parsidohotonniba di Tim Revisi Bibel Batak Toba na pinatupa ni gereja-gereja penutur bahasa Batak Toba bekerjasama dohot Lembaga Alkitab Indonesia (LAI) na mangigil hira sude gogo dohot tingkiniba. Mauliate do dohonon tu Debata na paloashon iba mengelola blog on na sai leleng on. Mauliate do dohonon nang tu angka dongan na manjaha jala na manghaseahonsa di ulaonna manjamitahon hata ni Debata.
Mardomu tusi naeng taringotanhu do muse na gabe sibonsiri ni blog on, i ma giot ni roha manangkasnangkasi hata ni Debata dung godang tingkiniba na lowong ala naung pensiun, lumobi angka turpuk jamita Minggu. Ia sinurathon pe i marrumang sermon ala marguna do i di iba molo dipangido dongan marjamita sahalisahali. Siangkup ni i, hirim do roha na boi gabe pangurupion i di angka dongan na mangharingkothon. Huantusi do kesibukan ni angka dongan na mangula di huria, ndang apala godang tingki na tarpangkesa laho parade sermon. Alai huhut, na songon reaksi do i tu torop parjamita dohot parjamitaon na hupaihutihut di hurianta di angka tingki na parpudi. Sapanjang na sada satonga taon on sai huuji do paradehon jamita na tarihot tu teks, na borhat sian tafsiran jala na hombar tu taon parhuriaon. Angka i ma huida na lam mago sian parjamitaon di hurianta di angka tingki na parpudi on. Hea do hubege sahalak parjamita na so manaringoti agia aha sian turpuk ari i, gabe konteksna do dijamitahon. Na asing, tongon di Minggu Rogate, dijaha do nian turpuk ari i, alai ndang i dijamitahon; gabe partangiangon do dihatai marojahan tu puluhan teks ni Bibel, sian buku na paasingasing. Songon i muse, sahalak parjamita di Pesta Hananaek ni Tuhan Jesus na so manaringoti agia otik Barita na Uli ni hananaek i, alai mansai butong do pinggol mambege hatoranganna taringot tu surusuruan manang angelologi, ala kebetulan adong martaringot di turpuk ari i surusuruan. Di na mangujungi ulaon on, laos i ma na nuaeng na naeng ondolhononhu: Sai tauji ma pasahathon jamita na tarihot tu turpuk, na borhat sian tafsiran na tarpartanggung-jawabhon, jala na hombar tu tingki (taon parhuriaon dohot kontellasi masa kini).
Na parpudi, partahanhononhon do haadongon ni blog on. Sintap ni na boi, pangkeonhu do i pasahathon angka na mardomu tu missina na parjolo i, jala na boi tambaan dohot informasi taringot tu revisi Bibel Batak Toba. SELAMAT TAON BARU 2011, HORAS.
Mardomu tusi naeng taringotanhu do muse na gabe sibonsiri ni blog on, i ma giot ni roha manangkasnangkasi hata ni Debata dung godang tingkiniba na lowong ala naung pensiun, lumobi angka turpuk jamita Minggu. Ia sinurathon pe i marrumang sermon ala marguna do i di iba molo dipangido dongan marjamita sahalisahali. Siangkup ni i, hirim do roha na boi gabe pangurupion i di angka dongan na mangharingkothon. Huantusi do kesibukan ni angka dongan na mangula di huria, ndang apala godang tingki na tarpangkesa laho parade sermon. Alai huhut, na songon reaksi do i tu torop parjamita dohot parjamitaon na hupaihutihut di hurianta di angka tingki na parpudi. Sapanjang na sada satonga taon on sai huuji do paradehon jamita na tarihot tu teks, na borhat sian tafsiran jala na hombar tu taon parhuriaon. Angka i ma huida na lam mago sian parjamitaon di hurianta di angka tingki na parpudi on. Hea do hubege sahalak parjamita na so manaringoti agia aha sian turpuk ari i, gabe konteksna do dijamitahon. Na asing, tongon di Minggu Rogate, dijaha do nian turpuk ari i, alai ndang i dijamitahon; gabe partangiangon do dihatai marojahan tu puluhan teks ni Bibel, sian buku na paasingasing. Songon i muse, sahalak parjamita di Pesta Hananaek ni Tuhan Jesus na so manaringoti agia otik Barita na Uli ni hananaek i, alai mansai butong do pinggol mambege hatoranganna taringot tu surusuruan manang angelologi, ala kebetulan adong martaringot di turpuk ari i surusuruan. Di na mangujungi ulaon on, laos i ma na nuaeng na naeng ondolhononhu: Sai tauji ma pasahathon jamita na tarihot tu turpuk, na borhat sian tafsiran na tarpartanggung-jawabhon, jala na hombar tu tingki (taon parhuriaon dohot kontellasi masa kini).
Na parpudi, partahanhononhon do haadongon ni blog on. Sintap ni na boi, pangkeonhu do i pasahathon angka na mardomu tu missina na parjolo i, jala na boi tambaan dohot informasi taringot tu revisi Bibel Batak Toba. SELAMAT TAON BARU 2011, HORAS.
Sai dipasanga Tuhanta ma tingki muna laho manorushon blog batu mamak I. Mansai tutu do na pinatorang muna I, jala laos ala ni I do dihilala roha ringkotna batumamak I si jahaon andorang so binege jamita ni angka parjamita, tarlumobi parjamita naso hea manjaha jala na so paradehon dirina marjamita. Ingkon tarpaima-ima roha setiap minggu pagi di patujolo ni jamita na pinatomu-tomu ni Bapa I.
BalasHapusMauliate ma di Bapa i, alai tangiangnami sai dilehon Tuhanta ma angka partingkian na uli sanaga bapa i sai manurathon bahan sermon jamita di ganup minggu, na marondolan sian angka tafsiran dohot na dipatomutomu tu taon parhuriaon. Sai songon na nidok ni bapa ima pangidoannami, Batu mamak sada sian angka blog na manaburhon Hata ni Debata na marhata Batak di portibi auangauang (dunia maya). Saleleng on diurupi do hami laho paandarhon angka jamita di tonga ni hurianta HKBP. Horas ma tutu jala salamat taon baru '11.
BalasHapus