JEA NI NA SO MANANDA
Nunga gok be panompang ni sada bus na naeng borhat sian sada huta.
Holan sada nama hundulan na so marisi, i ma na di hambirang ni supir. Nang pe songon i, laos so marnaborhat dope bus i. Mamungka ma ngolngolan angka panompang. Dung i, didok sada halak ma: “Amang Supir, ai nunga gok be, borhat ma hita.” Alai didok supir i ma: “Satongkin nari Amang, Inang, adong dope na tapaima.”
Dung manang sadia leleng, ro ma sahalak parabit na uli. Mansai gaga pardalanna idaon, martungkot na marulu bosi. Nangkok ma ibana jala dipahundul tu hambirang ni supir i, dung i pintor mardalan ma bus i. Muningan ma roha ni angka panompang mandok: “Ise do on? Holan paimaima on, ingkon harsean iba jala borngaon.”
Sahat di Pematangsiantar, mijur ma angka panompang. Amanta parabit na uli i pe mijur ma laos mardalan mandao sian bus i. Pintor marlojong ma kenek ni bus i mandapothon ibana mangido ongkosna. Umbege i mansai muruk ma Amanta i, didok: “Aha nimmu, ongkos? Ndi on,” ninna huhut dijullakhon tungkotna na marulu bosi i mansai gogo tu butuha ni kenek i. Mansai muruk ma kenek i, ai ndang diboto manang aha salana jala ndang na iran hansitna dihilala. Ala ni i pintor dipuhung ma tanganna naeng maninju. Marnida i, pintor hapogan ma supir i mangambat ibana. Ditangkup ibana, jala ditogu mandao sian Amanta i, laos didok: “Nunga sae i, laho ma ho, marjea hita annon.” Dung i, sumurut ma kenek i tu pudi ni bus i, mardalan mamungkukmungkuk; songon na ngal nama hosana mangae hansitna. Ise do Amanta i umbahen songon i murukna holan ala na dipangido kenek i ongkosna? Oh, ibana do hape nampuna bus i.
Sian barita i boi ma enetonta parsiajaran, marjea do hape na so mananda angka na patut tandaonna. Nunga songon i antong uhumna, patut do parkarejo mananda indukna, patut do anak sikola mananda guruna, patut na niuluhon mananda uluanna, jala patut do soldadu mananda pangulimana, dohot angka na asing. Molo ndang songon i, boi do halak sala marpangalaho di adopanna, gabe tarila manang marjea.
Sian saluhut na patut tandaon, sada do na lumobi, i ma Debata naung ro manopot hita di bagasan AnakNa Jesus Kristus. Ro do Ibana paluahon hita. Molo tatanda jala tajangkon Ibana di bagasan haporseaon, basabasahononNa ma tu hita hadameon, jala boanonNa hita tu hasonangan. Alai sabalikna, tu angka na so mananda ndang boi so marsak Ibana jala manolsoli, marro ni rimas jala mandabu uhum. Apala i do naung masa tu halak Jahudi, di na nidokNa: “Aut di arim on ma nian ditanda ho na tau padamehon ho. Alai naung gabe buni do i nuaeng sian matami. Ai na ro ma muse angka ari manahopi ho; hubuon ni musum ma ho disi, halianganna jala sosahonna ma ho humaliang. Jala panepneponna ma ho rap dohot anakkonmu di tongatongami, jala ndang pasombuonna nanggo dua batu martinditindi, ala na so ditanda ho tingki panopoton na tu ho.” (Luk.19:42-44)
Dung manang sadia leleng, ro ma sahalak parabit na uli. Mansai gaga pardalanna idaon, martungkot na marulu bosi. Nangkok ma ibana jala dipahundul tu hambirang ni supir i, dung i pintor mardalan ma bus i. Muningan ma roha ni angka panompang mandok: “Ise do on? Holan paimaima on, ingkon harsean iba jala borngaon.”
Sahat di Pematangsiantar, mijur ma angka panompang. Amanta parabit na uli i pe mijur ma laos mardalan mandao sian bus i. Pintor marlojong ma kenek ni bus i mandapothon ibana mangido ongkosna. Umbege i mansai muruk ma Amanta i, didok: “Aha nimmu, ongkos? Ndi on,” ninna huhut dijullakhon tungkotna na marulu bosi i mansai gogo tu butuha ni kenek i. Mansai muruk ma kenek i, ai ndang diboto manang aha salana jala ndang na iran hansitna dihilala. Ala ni i pintor dipuhung ma tanganna naeng maninju. Marnida i, pintor hapogan ma supir i mangambat ibana. Ditangkup ibana, jala ditogu mandao sian Amanta i, laos didok: “Nunga sae i, laho ma ho, marjea hita annon.” Dung i, sumurut ma kenek i tu pudi ni bus i, mardalan mamungkukmungkuk; songon na ngal nama hosana mangae hansitna. Ise do Amanta i umbahen songon i murukna holan ala na dipangido kenek i ongkosna? Oh, ibana do hape nampuna bus i.
Sian barita i boi ma enetonta parsiajaran, marjea do hape na so mananda angka na patut tandaonna. Nunga songon i antong uhumna, patut do parkarejo mananda indukna, patut do anak sikola mananda guruna, patut na niuluhon mananda uluanna, jala patut do soldadu mananda pangulimana, dohot angka na asing. Molo ndang songon i, boi do halak sala marpangalaho di adopanna, gabe tarila manang marjea.
Sian saluhut na patut tandaon, sada do na lumobi, i ma Debata naung ro manopot hita di bagasan AnakNa Jesus Kristus. Ro do Ibana paluahon hita. Molo tatanda jala tajangkon Ibana di bagasan haporseaon, basabasahononNa ma tu hita hadameon, jala boanonNa hita tu hasonangan. Alai sabalikna, tu angka na so mananda ndang boi so marsak Ibana jala manolsoli, marro ni rimas jala mandabu uhum. Apala i do naung masa tu halak Jahudi, di na nidokNa: “Aut di arim on ma nian ditanda ho na tau padamehon ho. Alai naung gabe buni do i nuaeng sian matami. Ai na ro ma muse angka ari manahopi ho; hubuon ni musum ma ho disi, halianganna jala sosahonna ma ho humaliang. Jala panepneponna ma ho rap dohot anakkonmu di tongatongami, jala ndang pasombuonna nanggo dua batu martinditindi, ala na so ditanda ho tingki panopoton na tu ho.” (Luk.19:42-44)
Horas amang, tingkos do i amang, ingkon tangkas do jolo tinanda sasahalak asa binoto sikap laho mangadopi ibana. Alai adong do tong halak na "sok kenal", angka na songon on pe amang boi do tarila ate..?
BalasHapusI ma da, adong do tutu na 'sok kenal'. Alai sasintongna, bentuk lain ni na so mananda do i. Ala ni i sintong do, na boi maila jala marjea do tong halak na songon i. Lobi marjea do halak na 'sok kenal' tu Jesus. Dipaulaula naung ditanda Ibana jala dipandok angka sidohononna taringot tu Ibana, hape angka na sala do na pinandokna i jala na so sintong, ai na sian roharohana do i jala sian hasopanandaonna.
BalasHapus