JOLMA NA IMBARU
“Alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonNa dohot na sun denggan.” (Rom 12:2b)
Taringot tu jolma na imbaru, sada pingkiran na na godang do i dihatai halak di tingki na parpudi on. Ragam do panggoarina, isara na tinompa na imbaru, naung marngolu na imbaru, naung tubu paduahalihon, dohot angka na asing. Sude i adong be do ojahanna di Bibel i. Umumna, dihonahon do i tu hatauon dohot usaho ni jolma laho paubahon roha dohot paturehon parangena. Alai sasintongna, hajolmaon na imbaru i, parjolo sahali na marhahonaan do i tu ulaon ni Debata, ndada tu ulaon ni jolma. Fakta do na so tartompa agia ise dirina sandiri, ndang tapangolu manang tartubuhonsa; alai na tinompa do jolma i, na pinangolu jala na tinubuhon ni na asing. Laos songon i ma nang taringot tu haimbaruon i, ndang tartompa agia ise dirina asa gabe na imbaru, alai Debata do na tuk patupahon i. Di bagasan Kristus, nunga dipatupa i. Hajolmaonta na buruk i dipamate jala ditanom raphon Kristus i, dung i dipangolu muse raphon Ibana di bagasan ngolu na imbaru (Rom 6:3-4). Tu nasa naung pinaimbaru songon i disosohon ma asa imbaru. Hira na mandok: “Nunga hupaimbaru ho (indikatif), antong imbaru ma ho (imperatif)!”
Songon i ma dison, disosohon do tu na porsea i asa paubahon (mentransformasi) sandok hadirionna marhite na paimbaruhon pingkiranna. Pingkiran (budi) lapatanna, hajolmaon parbagasan ni sasahalak. Jadi, hamubaon dohot haimbaruon i ingkon na marhahonaan do tu hadirion ni jolma na umbagas, ndada holan tu ngolu parduruna isara ni na marisap hian gabe so marisap. Marhite haimbaruon sisongon i dipatau do jolma i manimbangi manang dia do lomo ni roha ni Debata di hangoluanna ariari, dipatau mamolati na denggan sian na roa (Heb.5:14), dohot manghangoluhon hasintongan i di angka ari hasusaan (hari-hari jahat, Eps.5:16). Ndang ulaon na mura i, na maol do; na mangigil sandok haoloon do i laho mamarungkilhon manang dia do na uli na hinalashon ni roha ni Debata jala na sun denggan.
I ma siingoton jala siparrohahononta di na mandalani bulan Oktober on. Sitimbangan jala siparungkilhononta do manang dia do lomo ni roha ni Debata di parngoluon ni hurianta, di peribadahan dohot di panidangionna di umurna na pa-148 taonhon on (jamita Minggu 04.10.2009); sitimbangan jala siparugkilhononta do manang dia do na uli sipatupaonta laho maniru Tuhanta Jesus Kristus di hangoluanta ariari asa tutu hita angka na serep roha, na rade patutoruhon diri laho manghobasi angka dongan (jamita Minggu 11.10.2009); sitimbangan jala siparungkilhononta do manang dia do na hinalashon ni roha ni Debata sipatupaonta jala songon dia do hita mangulahon i maradophon angka na ginosagosa dohot na hona gaga di tonga ni masyarakat dohot bangso nang huria pe (jamita Minggu 18.10.2009); sitimbangan jala siparungkilhononta do manang dia do na sun denggan sipatupaonta di paraloanta di na mamolus hita di portibi on manuju tu paradianan na hot, i ma tano Kanaan na imbaru i (jamita Minggu 25.10.2009). Di bagasan parsitutuon ni roha, pos ma rohanta, sai na dapot hita do alus na topet, gabe ndang adong sisolsolan di angka pambahenanta. Dipargogoi Tuhanta ma hita disi. Amen.
jkt.01.10.2009/mvs
Taringot tu jolma na imbaru, sada pingkiran na na godang do i dihatai halak di tingki na parpudi on. Ragam do panggoarina, isara na tinompa na imbaru, naung marngolu na imbaru, naung tubu paduahalihon, dohot angka na asing. Sude i adong be do ojahanna di Bibel i. Umumna, dihonahon do i tu hatauon dohot usaho ni jolma laho paubahon roha dohot paturehon parangena. Alai sasintongna, hajolmaon na imbaru i, parjolo sahali na marhahonaan do i tu ulaon ni Debata, ndada tu ulaon ni jolma. Fakta do na so tartompa agia ise dirina sandiri, ndang tapangolu manang tartubuhonsa; alai na tinompa do jolma i, na pinangolu jala na tinubuhon ni na asing. Laos songon i ma nang taringot tu haimbaruon i, ndang tartompa agia ise dirina asa gabe na imbaru, alai Debata do na tuk patupahon i. Di bagasan Kristus, nunga dipatupa i. Hajolmaonta na buruk i dipamate jala ditanom raphon Kristus i, dung i dipangolu muse raphon Ibana di bagasan ngolu na imbaru (Rom 6:3-4). Tu nasa naung pinaimbaru songon i disosohon ma asa imbaru. Hira na mandok: “Nunga hupaimbaru ho (indikatif), antong imbaru ma ho (imperatif)!”
Songon i ma dison, disosohon do tu na porsea i asa paubahon (mentransformasi) sandok hadirionna marhite na paimbaruhon pingkiranna. Pingkiran (budi) lapatanna, hajolmaon parbagasan ni sasahalak. Jadi, hamubaon dohot haimbaruon i ingkon na marhahonaan do tu hadirion ni jolma na umbagas, ndada holan tu ngolu parduruna isara ni na marisap hian gabe so marisap. Marhite haimbaruon sisongon i dipatau do jolma i manimbangi manang dia do lomo ni roha ni Debata di hangoluanna ariari, dipatau mamolati na denggan sian na roa (Heb.5:14), dohot manghangoluhon hasintongan i di angka ari hasusaan (hari-hari jahat, Eps.5:16). Ndang ulaon na mura i, na maol do; na mangigil sandok haoloon do i laho mamarungkilhon manang dia do na uli na hinalashon ni roha ni Debata jala na sun denggan.
I ma siingoton jala siparrohahononta di na mandalani bulan Oktober on. Sitimbangan jala siparungkilhononta do manang dia do lomo ni roha ni Debata di parngoluon ni hurianta, di peribadahan dohot di panidangionna di umurna na pa-148 taonhon on (jamita Minggu 04.10.2009); sitimbangan jala siparugkilhononta do manang dia do na uli sipatupaonta laho maniru Tuhanta Jesus Kristus di hangoluanta ariari asa tutu hita angka na serep roha, na rade patutoruhon diri laho manghobasi angka dongan (jamita Minggu 11.10.2009); sitimbangan jala siparungkilhononta do manang dia do na hinalashon ni roha ni Debata sipatupaonta jala songon dia do hita mangulahon i maradophon angka na ginosagosa dohot na hona gaga di tonga ni masyarakat dohot bangso nang huria pe (jamita Minggu 18.10.2009); sitimbangan jala siparungkilhononta do manang dia do na sun denggan sipatupaonta di paraloanta di na mamolus hita di portibi on manuju tu paradianan na hot, i ma tano Kanaan na imbaru i (jamita Minggu 25.10.2009). Di bagasan parsitutuon ni roha, pos ma rohanta, sai na dapot hita do alus na topet, gabe ndang adong sisolsolan di angka pambahenanta. Dipargogoi Tuhanta ma hita disi. Amen.
jkt.01.10.2009/mvs
Horas amang, mansai las roha dipatupa amang blog on, molo so boi pe hita pajumpang apala sahali sabulan, alai di blog on boi hita pajumpang tiap ari. Tung mansai godang do siputihan ni angka na umposo sian angka nasehat, renungan dohot pewarisan na di surathon amang...Horas amang, tetap berkarya sebagai warisan untuk yang muda...
BalasHapusMauliate
BalasHapus